میاں استماں

چیخوف ( رجانک : مہجوربدر )

گرمے جل ات۔ ولدیریف یک دراج کد ءُ پُریں ناکیں بادلیں کلگی کہ آئءِ سر کسان ءُ چم ڈن ءَ دراتکگ اتاں۔ آئ ءَ وتی کوٹ کش ات۔ پیشانی دست مال ءَ گوں ساپ کُت او کم ہجکی ءَ گوں سرکاری کارگس ءَ پترات ۔ کہ ہوا آئ ءِ سِل جنگ بیت انت۔
"منا کونسل ءِ سوگند نامگ ءِ یک نکل ءِ زورگی انت او اے باروا منا المی سرپدیاں سربوگی انت” آئ ءَ یک چپراسی ۓ دلگوش گورکنان ءَ گوشت کہ آ کارگس ۓ کناراں چہ دور سینی گوں گلاساں گوں ات پیداک ات۔
” ادا منا کے سرپدی دات کنت”
"اے دیما برو۔۔ آ دریگ ءِ نزیک ءَ کلرک نشتگ”
چپرسی ءَ دور دریگے نیمگ ءَ اشارہ کناناں گُشت۔
ولدیریف ءَ جہک ات۔ او دریگے نیمگ ءَ شُت۔ ہودا یک سبزیں ٹیبل ءِ سرا گرمپکےڈولیں داگ اتاں۔ یک جوانے نشتگ ات ۔ شنگیں میدءُ درجکشیں پونز گوں کلرک ءَ درجیں وردی گورا ات۔ آئ دیم زرد تراتگ ات۔ آئ ءَُ وتی پونز کاگزانی تہا چیر داتگ ات۔ چزے نبشتہ کنگ ءَ ات۔ آئ ءِ راستیں گرانزے سرا مکسکے نشتگ ات۔ آ وتی جہل ءِ لنٹ ءَ یکوئ گول کنگ ءَ ات ءُ ساہ ءَ تہا کشگ ءَ ات ۔ آئ ءِ سٹ ءُ کپ او رنگ ءُ درشم چہ گریبی ءُ بے وسی سہرا بئیگ ءَ ات۔
;آیا من وتی۔۔۔وتی کیس ءِ باروا چزوکے جست کت کناں؟
منی نام ولدیریف انت۔ او منا 2مارچ ءِ کونسل ءِ مننگ نامہ ءِ یک نقل ءِ زورگی انت:
کلرک ءَ وتی کلم سیائ ءِ تہاڈوبینت ءُ اے چارات کہ سیائ گیش نزورتگ ات۔ وتارا شرریں دلیکیم کنگ ءَ پد کہ کلم کاگزے سرا ترمپاں مہ ترنزینیت۔
گڈا آئءَ گشاد گُشاد وتی کلم نبشتہ بنا کت۔
آئ ءِ لنٹ پرنچگ اتگ انت۔ بلے نوں گرانزانی پچ کنگ ۓ ءُ بند کنگ ۓ زرورت پشت نہ کپتگ ات چیاکہ نوں مکسک آئءِ گرانز ءَ چہ پاد اتکگ ات ۔ او آئ ءِ گوش ءِ سرا نشتگ ات۔
"تو منا چِزے سرپدی دات کنے” آئ ءَ یک منٹ ۓ ءَ پد پدا گشت”منی نام ولدیریف انت۔ من یک زمیندارے اوں۔۔۔”
"ایوان الیکسی ایچ” کلرک ءَ گوات ءِ تہا کوکارءَرا گوں گُشت۔ "آیا تو یالیکوف سوداگرءَ گُشت کنے کہ آ پولس ءِ درج استغاثہ ءِ نقل ءِ سرا دستخط کنگ ءَ کدی کئیت! من آئ ءَ را ہزار وار ءَ گشتگ!”
آ ہمے سہرا کنگ ءَ ات کہ گشے آئ ءِ ولدیریف ءَرا کدی اوں نہ دیستگ ۔
"من نواب بیگم گوگولین ءِ وارثانی ہمرائ ءَ وتی کیس ءِ بابت ءَ ادا اتکگ اوں”
"ولدیریف ءَ آہستُک ءَ گُشت ” اے کیس باز شہرت انت۔ من سنجیدگی ءَ گوں چہ ترا دستبندی کناں کہ تو منی گپاں دلگوشے گوما گوشدار”
پدا اوں ولدیرف آئءِ دلگوش ءَ وتی دیما گورکنگ ءَ بے سوب بوت۔ کلرک ءَ وتی لُنٹ ءِ سرے نشتگیں مکسک ءَرا گپت۔ ائءَ را گوں جہلانکی ءَ چارگ ات ءُ دور دات۔شرپمندیں کلگی ءَ جک ات ءُ وتی پونز کیسگی دزمال ءَ گوں ترندی ءَ ساپ کت بلے اے سُرپر ءَ ام اچ اثر آئ ءِ سرا نہ کپت۔ دومنٹ ءَ داں تکءُ نک ءُ گنگدامی بوت۔ ہمے میان ءَ ولدیریف ءَ یک روبل ءِ نوٹءِ وتی کیسگ ءَ کش ات ءُ کلرک ءِ دیمے ائیریں کتاب ءِ سرا ایر کت۔ کلرک ءِ پیشانی ءِ رگ مُج اتاں ۔ آئ ءَ کتاب پہ ھیرانگی ءَ گوں وتی دیما ژپت ءُ آئ ءَرا بند کت۔
” یک کسانکیں کارے۔۔۔۔من بس اے زانگ لوٹ آں کہ نواب بیگم گوگولین ءِ سیاد ءُ وارثاں کجام بنیاد ءَ۔۔۔۔۔۔۔۔آیا من ترا تکلیپ کنگ ءَ اوں ؟”
کلرک وتی ھیالاں گار ات۔ آ پاداتک ءُ وتی مُک ءَ کچیناں ءَ یک چزے زورگ ءَ الماری ءِ دیما رہادگ بوت۔ یک منٹ یے ءَ پد وتئ میز ءِ سرا واترات ءُ پدا ہما کتاب ءِ تاکاں سرءُپٹ بوت کہ آئءِ سرا روبل ءِ یک نوٹ ءِ ایرات۔
"من بس ترا یک منٹ یے تکلیپ ءَ دیاں۔۔۔من بس چزے جست کنگی انت”
کلرک ءَ وتار گشے کر کت ۔ آئ ءَ چزے نقل کشگ بناکت۔
ولدیریف ءَ وتی مورک مجینت ءُ دلپروشی ءَ گوں کاگدے سرا انچو پہ دیم لکیر رندوکیں تیوگیں کارگسی مردماں گوں نفرتءِ گومہ چار ات۔
"اے نوں نبشتہ کنوک انت” آئ ءَ سارتیں گین ۓ کش اتءُ جیڑات” اے اللہ ہی روچاں بس نبشتہ کنت انت۔۔۔۔خدا اے درساں غرق بکنت ”
آ کلرک ءِ ٹیبل چہ در شُت۔ ءُ کوٹی ۓ میان ءَ اوشتات۔ بے امیتی ءَ آئءِ بانزل جہل ءَکپتگ انت۔
چپراسی ءَ گلاس گوں اتاں دو ور گوزگ ءَ ات۔ گشے آئ ءَ کہلگی یے دیم ءِسرے بے وسی سان پہمت انت ۔ ہمے واستہ آئ ءِ نزوک ءَ اتک ءُ نرمیں گالواریے گوشت۔۔
اچہا؟ آیا تو جست گپتگ ؟”
"من جست گپتگ بلے آ اچ جواب نہ دنت”
"تو آئ ءَرا سہے روبل بدے۔چپراسی ءَ گوں سُسک ءَگوشت۔
"من پیسرا آئءَرا دو روبل داتگ”
"ائ ءَرا یک دگہ روبل ءِ بدے گوں ”
ولدیریف میز ءِ دیما واترات ءُ یک سبزیں نوٹ ۓ پچیں کتاب ءِ سرا ایر کت۔
کلرک ءَ پدا کتاب وتی دیما ژپت ءُ تاکاں گوں سرءُ پٹ بوت۔ ءُ گشے نا گہاں بہ بیت انچو کہ ناگہاں بیت۔ وتی نگاہ یے ولدیف ءِ دیما شانک داتاں۔ آئ ءِ پونز ترپگ ءَ لگ ات ءُ سُر بوت ءُ کندگی ءَ گوں ائ سرا کرچک سہرا بیتاں۔
"واہ۔۔۔۔شما چے لوٹ ۓ ؟”آئ ءَ پُرس ات۔
"من وتی کیس ءِ باروا کمو جست گرگ لوٹاں ۔۔۔ منی نام ولدیرف انت۔ ”
!بسر و چشم ! گوگوکین ءِ کیس۔۔۔۔ھاں اے ھما نہ انت؟باز شر۔ گڈا واکی ۔ ایشی ءِ ترا چے پکارانت؟
ولدیریف ءَ وتی لوٹ درشان کت انت۔
کلرک انچو ترندی ءَ گوں جنز ات گشے آ یک شرتگے ءِ گردآب ءَ چَرُک ورگ ءَ ات۔ آئ ءَ تیوگیں سرپدی دات انت ءُ یک نقل دئگ ءِ بندوبست کت۔ سائل ءَ را یک کرسی ءِ دات ۓ ءُ موسم او پسلانی باروا دوستیگیں رنگ گپ ءُ رپ بنا ۓ کت۔
وہدے ولدیریف رہادگ بوت گڈا آ پدانکانی سراجہل ءَداں ائ ءِ ہمرائ ءَ اتک ۔ وش تبی ءُ شرپمندی گوں بشکنداں ات ۔ ولدیریف چندے ناسرپدی مارشاتانی بنا ءَ بے تاہیری مارگ ءَ ات او وتی تہی جزبگانی سان ءِ وجہ آئ ءَ یک روبل ءِ کیسگ چہ کش ات ءُ آئ راکلرک ءِ دیما شاآرت آ شرپمبدی گوں جہل بوت ءُ بچکند اتے۔ آئ ءَ روبل چو مداری یے ڈول ءَ انچو تیزی ءِ گوما دست گپت کہ گشے گوات ءِ تہا گروک شہم بدنت۔
خوب۔ چونیں عجیب ایں مردم انت۔ کہلگی انچو دگ ۓ سرا رست آئ ءَ جیڑ ات ءُ کمو میلانک بوت۔ او وتی دست مال ءَ گوں وتی پیشانیگ ءِ ساپ کت

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close
Close