ریٹائرڈ بوٹ والا

واجه ریٹائرڈ بوٹ والایے ات… مرگ ءُ رسترانی اکس گرگ واجه ءِ دوستیگیں کار انت.. پمیشکه واجه وائلڈ لائف فوٹوگرافی ءَ سک نامدار ءُ مهشور انت. نوک باندیں نودربرانی سرپد کنگ ءَ په واجه ءَ وتی جوڑ کتگیں ڈاکومینٹری تامر ءِ پیش داشت که آئی ءِ گڈ سر ءَ همے کلوه مان ات که "اے مرگ که مئے زمین سر ءَ کاینت گڑا مئے شمئے مهمان انت باید ما ابرم ءِ ساچتگیں نکش ءُ نگاراں به موک ایں، به رکین ایں. که مُرگ همُک سال ادا بیا انت ءُ مئے شمئے هلکانی سبزیں ڈگاراں براهدار به کن انت. پدا اے سرجمیں تامر گڈاپ، کاٹهور ءُ کیرتهر رینج ءَ جوڑ بوتگ ات..”

واجه ءِ ڈاکومینٹری ءُ تران ءِ هلاس بیگ ءَ پد جُست ءُ پرسی بهر بندات بوت.. هرکس ءَ وتی جُست کت انت گڑا من هم توکا ماندات گوں…..

منی جُست:

واجه شمئے جوڑکتگیں تامر سک وش ات ءُ تامر ءِ گڈی کلوه هم من ءَ سک دوست بیت.. بلے واجه منی جست ایش انت که انچوش که شما وتی تامر ءِ تهه گشت که ما باید ابرم ءِ ساچستانی هیال ءَ بداریں ءُ مرگ ءُ دلوتانی مهمانداری ءَ به کن ایں… بلے گوستگیں چیزے سالاں چه ما گندگ ءَ ایں که بلڈر مافیا ابرم ءِ کارانی تهه دزمانجنی کنگ ءَ انت.. کوهاں ڈرینگ ءَ انت، کهورانی دپ بندگ بوهگ ءَ انت. سبزکیں زمین هلاس بوهان انت. درچک گُڈگ بوهگ ءَ انت.. گڈاپ ءُ کاٹهور ءِ همے ندارگ که شمئے تامر ءُ اکسانی تهه پدّر ات انت، بحریه ٹاؤن ءِ مهربانی ءَ نوں اے ندارگ هم مٹ بوهان انت.. ءُ همے هند ءُ دمگانی مهماندار بزاں اود ءِ مجّتی جهمنند چه اود ءَ پاد کنگ بوهگ ءَ انت گڑا اے مرگانی مهمانداری ءَ کئے کنت؟ درچک که هلاس بنت گڑا مرگ کجا کُدو بند انت؟ کوه ءُ جمپ که هلاس بنت گڑا رستر ءُ جناور کجا چیر بنت..؟ هیر دگه جست وَ وتی جاه ءَ بلے منی همراهی ءَ ایندگه نودربر که وائلڈ لائف فوٹو ءُ ویڈیوگرافی نیمگ ءَ اگاں دلگوش گور کنگ لوٹگ ءَ انت. په ایشاں وائلڈ لائیف ویڈیوگرافی ءِ باندات اے ملک ءَ چتور بیت؟

پسّو:

آپ نے بہت عمده سوال پوچها… اس لڑکے کے سوال پر تالیاں ہونی چاهیے…..