چہ تو شمشکار نیاں، دلپروش مبے اوگل
اردی ہر پاس منا
چو جندءِ ساہ ہمراہ انت
گوستگ طفلی نوبت آ
ءُ ورنائیءَ سر کشتگ
چارگ تئی دیمءِ گِرگ
درشاں ربیتءِ رازا کناں
تو دیمپانءِ دودءِ تیلانی
من واریں راجءِ گماں گاراں
چہ تو لوٹاں اجازتے
ءُ گواچنی ہمراہاں گوں مکہیں ماتءِ دعاہاں ھم زوراں۔۔۔۔۔!
قمبری نُھرداں گوں
رندا گراں شہیدانی
لنجیں شپءِ دلءَ دِراں
یک نوکیں بامے سار کناں
تٸی جیگءِ چموکیں لاسءِ وڑا
پہ راجءِ ہشکیں لُنٹاں
من نوکیں بچکندے کاراں
سوگند انت منا پہکیں مہرءِ
روچاں منتگیں زندءِ گاں
گوں تئی پجیءَ گوازیناں۔۔۔
